ភាសាខ្មែរ 
English 
ធ្វើបច្ចុប្បន្នភាពលេខទូរសព័្ទ និងលេខអត្តសញ្ញាណប័ណ្ណសញ្ជាតិខ្មែរ
(ភ្នំពេញ)៖ ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ នារសៀលថ្ងៃទី២១ ខែកុម្ភៈ ឆ្នាំ២០២៤ បានអនុញ្ញាតឱ្យក្រុមប្រឹក្សាភិបាលនៃសមាគមមូលនិធិសម្តេចតេជោដើម្បីអភិវឌ្ឍន៍សហគ្រាសធុនតូច និងមធ្យមដែលដឹកនាំដោយអ្នកឧកញ៉ា តែ តាំងប៉ ជួបសម្តែងការគួសមនៅទីស្តីការក្រសួង។
ក្នុងនោះ ឯកឧត្តមរដ្ឋមន្ត្រី បានបញ្ជាក់ទៅកាន់វិស័យឯកជនឱ្យចូលរួមអនុវត្តការបំពេញកាតព្វកិច្ចហ្វឹកហ្វឺនកូនជាងដែលមានចែងក្នុងច្បាប់ដើម្បីជួយជំរុញការពង្រឹងសមត្ថភាពដល់សិក្ខាកាម និងនិស្សិតក្នុងប្រទេសឱ្យបានស្វែងយល់ពីកិច្ចការងារជាក់ស្តែងក្នុងការត្រៀមស្វែងរកការងារក្រោយបញ្ចប់ការសិក្សា។ បន្ថែមពីនោះ ការអនុវត្តកាតព្វកិច្ចដ៏សំខាន់នេះ ក៏អាចឱ្យនិយោជកអាចមានឱកាសជ្រើសរើសបុគ្គលិកនៅនឹងកន្លែងស្រាប់ ហើយក៏ជាឱកាសការងារសម្រាប់សិក្ខាកាមវិញផងដែរ។
ឯកឧត្តរដ្ឋមន្ត្រី បានបញ្ជាក់ទៅកាន់ក្រុមប្រឹក្សាភិបាលសមាគមថា ក្រសួងបានត្រៀមខ្លួនរួចជាស្រេចក្នុងការជួយសមាគមលើការបណ្តុះបណ្តាលដល់បុគ្គលិកក្រោមឱវាទរបស់សមាគមប្រសិនបើមានតម្រូវការដើម្បីពង្រឹងសមត្ថភាព និងការបង្កើនផលិតភាព។
ដោយឡែក អ្នកឧកញ៉ាប្រធានក្រុមប្រឹក្សាភិបាល បានថ្លែងអំណរគុណឯកឧត្តមរដ្ឋមន្ត្រី និងប្តេជ្ញាចូលរួមជាមួយរាជរដ្ឋាភិបាលក្នុងការជំរុញការបណ្តុះបណ្តាលវិជ្ជាជីវៈដើម្បីធ្វើឱ្យសហគ្រាសធុនតូចនិងមធ្យមនៅកម្ពុជាអាចដើរតួនាទីយ៉ាងសំខាន់បន្ថែមទៀតក្នុងការជ្រោងសេដ្ឋកិច្ចជាតិ៕
#MLVT #HENGSour
