ទីស្តីការក្រសួង៖ រសៀលថ្ងៃទី០៥ ខែធ្នូ ឆ្នាំ២០១៦ ឯកឧត្តមបណ្ឌិត អ៊ិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានអនុញ្ញាតឱ្យសហភាពស្មារតីយុវជនដើម្បីការងារកម្ពុជា ចូលជួបសម្តែងការគួរសមដើម្បីរាយការណ៍ជូនឯកឧត្តមរដ្ឋមន្ត្រី អំពីសកម្មភាពការងាររបស់សហភាព ដែលបាននឹងកំពុងខិតខំបំពេញការងារយ៉ាងសកម្មក្នុងការការពារសិទ្ធិ និងផលប្រយោជន៍ស្របច្បាប់របស់កម្មករ និយោជិត អោយស្របតាមបច្ចុប្បន្នភាពការងារ និងពិសេសស្នើសុំអនុសាសន៍ដ៍ខ្ពង់ខ្ពស់របស់ឯកឧត្តមរដ្ឋមន្ត្រី សម្រាប់ជាត្រីវិស័យដឹកនាំបន្តអោយមានប្រសិទ្ធិភាពបន្ថែមទៀត ៕