ភាសាខ្មែរ 
English 
ធ្វើបច្ចុប្បន្នភាពលេខទូរសព័្ទ និងលេខអត្តសញ្ញាណប័ណ្ណសញ្ជាតិខ្មែរ
នៅព្រឹកថ្ងៃទី១៧ ខែតុលា ឆ្នាំ២០១៣ ឯកឯឧត្តមបណ្ឌិត អ៊ិត សំហេង រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈ បានអនុញ្ញាតឱ្យលោកស្រី Leah Gutierrez ប្រធានផ្នែកអភិវឌ្ឍ ធនធាន មនុស្ស និងសង្គមនែការិយាល័យ ADB ប្រចាំ ទីក្រុងម៉ានីឡា និងលោក Eric Sidgwich នាយកធនាគារ ADB ប្រចាំកម្ពុជា ចូលជួបសម្តែងការគួរសម និងពិភាក្សាការងារនៅទីស្តីការក្រសួង។ គោលបំណងនៃជំនួបនេះ គឺដើម្បីសំដែងនូវការអបអរសារទរចំពោះ ឯកឧត្តមបណ្ឌិតរដ្ឋមន្រ្តីដែលត្រូវបានព្រះមហាក្សត្រតែងតាំងជារដ្ឋន្រ្តីក្រសួងការងារ និងបណ្តុះបណ្តាលវិជ្ជាជីវៈ សម្រាប់ រាជរដ្ឋាភិបាលកម្ពុជានីតិកាលទី៥នៃរដ្ឋសភា។ នាឱកាសនេះដែរប្រតិភូធនាគារ ADB បានពិភាក្សាការងារពាក់ព័ន្ធនឹងការផ្តល់ជំនួយបច្ចេកទេសរបស់ធនាគរ ADB ដល់ក្រសួងការងារ និងបណ្តុះបណ្តាលវិជ្ជាជីវៈ ជាពិសេសលើគម្រោងការពង្រឹងវិស័យអប់រំបណ្តុះបណ្តាលបច្ចេកទេស និងវិជ្ជាជីវៈ ដែលកំពុងដំណើរការ និងគម្រោងដំណាក់កាលទី២។ ជាកិច្ចឆ្លើយតប ឯកឧត្តមបណ្ឌិតរដ្ឋមន្រ្តីបានដំដែងនូវអំណរគុណចំពោះលោកស្រី Leah Hutierrez និងប្រតិភូដែលបានផ្ញើរសារសំដែងការអបអរសាទរ ក៏ដូចជាជូនពរ ឯកឧត្តរដ្ឋមន្រ្តីក្នុងឱកាសដែលឯកឧត្តមទទួលការតែងតាំងជារដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ សម្រាប់រាជរដ្ឋាភិបាលកម្ពុជាអាណត្តិទី៥នៃរដ្ឋសភាដែលមាន សម្តេចអគ្គមហា សេនាបតីតេជោ ហ៊ុន សែន ជានាយករដ្ឋមន្រ្តី។ ឯកឧត្តម អ៊ិត សំហេង ក៏បានដំដែងនូវអំណរគុណដល់ធនាគរ ADB ចំពោះកិច្ចសហប្រតិបត្តិការក៏ដូចជាការគាំទ្រ និងការរួមចំណែកក្នុងការពង្រឹងវិស័យអប់រំបណ្តុះបណ្តាលបច្ចេកទេស និងវិជ្ជាជីវៈនៅកម្ពុជា ចាប់តាំងពីគម្រោងជំនាញមូលដ្ឋាននៅឆ្នាំ១៩៩៦។ ធនាគារអភិវឌ្ឍន៍អាស៊ីបានផ្តល់ជំនួយឥតសំណងដល់គម្រោង “ពង្រឹងវិស័យអប់រំបណ្តុះបណ្តាលបច្ចេកទេស និងវិជ្ជាជីវៈ” ព្រមទាំងកំពុងដំណើរការរៀបចំគម្រោងប្រាក់កម្ចីសម្រាប់គម្រោង “ពង្រឹងវិស័យអប់រំបណ្តុះបណ្តាលបច្ចេកទេស និងវិជ្ជាជីវៈ ទី២” ដោយមានការឯកភាពផ្តល់ទឹកប្រាក់កម្ចីប្រហែល ៣៨ លាន ដុល្លារអាមេរិក ហើយកំពុងស្វែងរកមូលនិធិបន្ថែមទៀតសម្រាប់កម្ចីគោលនយោបាយ (Policy Loan) និងសេវាអ្នកប្រឹក្សាបច្ចេកទេស។ ទន្ទឹមនឹងនេះ ឯកឧត្តមបណ្ឌិតរដ្ឋមន្រ្តីបានសំណូមពរដល់ធនាគារ ADB ឲ្យបន្តជួយគាំទ្រជួយក្រសួង និងផ្នែកឯកជន ដើម្បីសហការគ្នាឲ្យបានល្អក្នុងការបណ្តុះបណ្តាលវិជ្ជាជីវៈ និងបច្ចេកទេស ប្រកបដោយនិរន្តរភាព និងគុណភាពការប្រគួត ប្រជែងការលំហូរអ្នកជំនាញពីប្រទេសមាជិកអាស៊ាននៅឆ្នាំ២០១៥។