ភាសាខ្មែរ 
English 
ធ្វើបច្ចុប្បន្នភាពលេខទូរសព័្ទ និងលេខអត្តសញ្ញាណប័ណ្ណសញ្ជាតិខ្មែរ
ទីស្តីការក្រសួង៖ ព្រឹកថ្ងៃទី១៥ ខែកញ្ញា ឆ្នាំ២០១៦នេះ ឯកឧត្តមបណ្ឌិត អ៊ិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ អញ្ជេីញជួបសំណេះសំណាល ផ្តល់អនុសាសន៍ណែនាំ និងផ្តល់ថវិកាឧបត្ថម្ភគាំទ្រចំពោះប្រតិភូយុវជនកម្ពុជាចំនួន៣១នាក់ ដែលត្រូវចាកចេញដំណេីរទៅចូលរួមក្នុងកម្មវិធីនាវាយុវជនអាសុីអាគ្នេយ៍ និងជប៉ុនលេីកទី៤៣ សម្រាប់ឆ្នាំ២០១៦។ គិតមកដល់ឆ្នាំ២០១៦នេះ មានប្រតិភូយុវជនកម្ពុជាសរុបចំនួន ៥១៣នាក់ហេីយ ដែលបានចូលរួមក្នុងកម្មវិធីនេះ។ គោលបំណងសំខាន់ៗរបស់កម្មវិធីនេះគឺ ៖
១. រឹតចំណងមិត្តភាព សាមគ្គីភាព និងការយោគយល់គ្នារវាងយុវជនជប៉ុន និងយុវជនអាស៊ាន
២. ពង្រីកចំណេះដឹង និងទស្សនវិស័យអន្តរជាតិរបស់យុវជន ក្នុងក្របខណ្ឌតំបន់ និងពិភពលោក ៣.បណ្តុះស្មារតីកិច្ចសហប្រតិបត្តិការអន្តរជាតិ និងសក្តានុពលនៃភាពជាអ្នកដឹកនាំរបស់យុវជនក្នុងការចូលរួមអភិវឌ្ឍសង្គម ៕
