ភាសាខ្មែរ 
English 
ធ្វើបច្ចុប្បន្នភាពលេខទូរសព័្ទ និងលេខអត្តសញ្ញាណប័ណ្ណសញ្ជាតិខ្មែរ
(ភ្នំពេញ)៖ ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ នៅរសៀលថ្ងៃអង្គារ ទី២៣ ខែកក្កដា ឆ្នាំ២០២៤នេះ បានអនុញ្ញាតឱ្យនិស្សិតជ័យលាភី ១៧រូប ដែលទទួលបានអាហារូបករណ៍រដ្ឋាភិបាលឆែក និងរដ្ឋាភិបាលអាល្លឺម៉ង់ បានចូលជួបនៅទីស្តីការក្រសួងការងារ និងបណ្តុះបណ្តាលវិជ្ជាជីវៈ
ដើម្បីទទួលអនុសាសន៍និងបទពិសោធន៍លើការចេញសិក្សានៅបរទេស។
ក្នុងនោះ ឯកឧត្តមរដ្ឋមន្ត្រី ស្នើឱ្យនិស្សិតអាហារូបករណ៍ទាំងអស់ធ្វើជាទូតសុឆន្ទៈរបស់កម្ពុជាដើម្បីបង្ហាញពីភាពវិជ្ជមាន វឌ្ឍនភាពសង្គម ឱកាសវិនិយោគ និងភាពផូរផង់នៃវប្បធម៌ប្រពៃណីរបស់ជាតិទៅដល់បរទេសដែលជាកាតព្វកិច្ចរបស់កូនខ្មែរគ្រប់រូបសម្រាប់សង្គមជាតិរបស់ខ្លួន។
ក្រៅពីនេះ ក្រោយការស្តាប់ការណែនាំខ្លួនរបស់និស្សិតជ័យលាភី ឯកឧត្តមរដ្ឋមន្ត្រី បានអបអរសាទរចំពោះនិស្សិតជ័យលាភី និងក្រុមគ្រួសារ ចំពោះការទទួលបានអាហារូបករណ៍ទៅសិក្សានៅបរទេសដើម្បីក្រេបយកចំណេះដឹង និងបទពិសោធន៍បន្ថែមពីសាធារណរដ្ឋឆែក និងសហព័ន្ធអាល្លឺម៉ង់ក្នុងតំបន់អឺរ៉ុបដើម្បីបន្តចូលរួមចំណែកក្នុងការអភិវឌ្ឍសង្គមជាតិបន្ថែមទៀត៕
#MLVT #HENGSour
